આજ સુધીના ઉજવાયેલા મહોત્સવોની યાદગાર તવારીખો

  • સંવત ૨૦૩૦ (ઇ.સ. ૧૯૭૪) મહા વિષ્ણુયાગ : શ્રધ્ધાભક્તિ પૂર્વક લોકોની વિશાળ હાજરીમાં સંપન્ન થયો.
  • સંવત ૨૦૩૫ (ઇ.સ.૧૯૭૯) પ.પૂ.સદગુરુદેવનાં ભંડારા નિમત્તે શ્રીમદ્ ભગવદગીતા પારાયણ (સપ્તાહ)નું આયોજન તથા સમાધિ મંદિરની પ્રતિષ્ઠા.
  • સંવત ૨૦૩૬ (ઇ.સ.૧૯૮૦) શ્રી સદગુરુ દેવનાં જન્મ જયંતિ નિમત્તે પ્રતિ વર્ષ રથયાત્રા મહોત્સવ ઉજવવાનો પ્રારંભ થયો.
  • સંવત ૨૦૪૦ (ઇ.સ.૧૯૮૪) જ્ઞાનમંદિરનો જીર્ણોધાર તથા સંસ્કૃત વિદ્યાલયની સ્થાપના.
  • સંવત ૨૦૪૪ (ઇ.સ.૧૯૮૭) હિરક મહોત્સવ પ્રસંગે શ્રી ગોવર્ધનપીઠાધીશ્વર (પુરી) શંકરાચાર્ય મહારાજ અ.વિ.પૂજ્ય સ્વામીશ્રી નિરંજનદેવતીર્થજી મહારાજ તેમજ અગ્નિપીઠાધીશ્વર આચાર્ય મહામંડલેશ્વર અ.વિ.શ્રી પ્રકાશાનંદજી મહારાજના અધ્યક્ષ પદે વિશાળ યજ્ઞોપવિત કાર્યકમ તથા સંસ્કૃત સંમેલન તેમજ ધર્મસભા વિગેરેનું પ્રેરક આયોજન.
  • સંવત ૨૦૪૪ (ઇ.સ.૧૯૮૮) દુષ્કાળના વર્ષમાં આશ્રમમાં કેટલ કેમ્પ ખોલી અને તેમાં દુષ્કાળ પીડિત ગાયોને રાખી તેની સંપુર્ણ સંભાળ લેવામાં આવી હતી.

  • સંવત ૨૦૪૯ (ઇ.સ.૧૯૯૨) મુખ્ય પ્રવેશદ્વારની અનાવરણ વિધિ પ્રસંગે વિશાળ યજ્ઞોપવિત કાર્યકમ,સંસ્કૃત સંમેલન વિગેરે પ્રેરક કાર્યકમોનું શ્રી શારદા એવમ્ જ્યોતિષ પીઠાધીશ્વર જગદગુરુ શંકરાચાર્ય મહારાજ અ.વિ.પૂ.સ્વામિ શ્રી સ્વરૂપાનંદ સરસ્વતીજી મહારાજના અધ્યક્ષ પદે અનેક સંતો અને વિદ્વાન સાથેનું આયોજન.

સંવત ૨૦૫૫ (ઇ.સ.૧૯૯૯) અધિક માસ શ્રી જગજીવનબાપુ જ્ઞાનમંદિર મહોત્સવ પ્રસંગે પ્રતિષ્ઠા પ્રસંગો.

  • (૦૧) શ્રી સદગુરુ દેવ સમાધી મંદિર
  • (૦૨) શ્રી સદગુરુ દેવ ચરણરજ મંદિર
  • (૦૩) શ્રી સદગુરુ દેવ જન્મભૂમિ મંદિર
  • (૦૪) શ્રી સદગુરુ દેવ સ્મારક
  • (૦૫) શ્રી યજ્ઞશાળા
  • (૦૬) શ્રી ભોજનાલય
  • (૦૭) શ્રી ગૌશાળા
  • (૦૮) શ્રી પાંજરાપોળ
  • (૦૯) શ્રી જ્ઞાનવન
  • (૧૦) શ્રી સૂર્યકુંડ
  • (૧૧) શ્રી જ્ઞાન સરોવર

કલ્યાણકારી વિવિધ ધાર્મિક કાર્યકમો

  • (૧) શ્રી ૧૦૦૮ પોથી શ્રી સદગુરુ ભજનામૃત પારાયણ
  • (૨) શ્રી અતિવિષ્ણુ યાગ
  • (૩) શ્રીમદ્ ભગવદગીતા સપ્તાહ
  • (૪) શ્રી ચતુર્વેદ પારાયણ
  • (૫) શ્રી અખંડ ધૂન કિર્તન સપ્તાહ
  • (૬) શ્રી સનાતન ધર્મ મૂર્તિ - પ્રદર્શન

ઉપરોક્ત પ્રમાણે અનંત વિભૂષિત પ.પૂ. જગદગુરુ શંકરાચાર્ય સ્વામી શ્રી સ્વરૂપાનંદ સરસ્વતીજી મહારાજ (શારદા-દ્વારકા એવં જ્યોર્તિ પીઠાધીશ્વર)ની અધ્યક્ષતામાં તેમજ અખિલ ભારત સાધુ સમાજનાં અધ્યક્ષ શ્રી પ.પૂ.ગોપાલાનંદજી મહારાજ તેમજ પૂજ્ય મંડલેશ્વરશ્રી અખંડાનંદ સાગરજી મહારાજના સાનિધ્યમાં તેમજ સંતો મહંતો અને કાશી સ્થિત ચારેય વેદોનાં વિદ્વાન બ્રાહ્મણો તથા મોટી સંખ્યામાં ભક્તોની હાજરીમાં અનન્ય ભાવથી સંપૂર્ણ સપ્તાહ ઉજવાયું.

  • સંવત ૨૦૫૮ (ઇ.સ.૨૦૦૨) અષ્ટ પ્રહર શ્રી ગુરુપુજન મહોત્સવ.
  • સંવત ૨૦૬૨ (ઇ.સ.૨૦૦૫) શ્રી સદગુરુગાદી સમન્વય મહોત્સવ.
  • સંવત ૨૦૬૫ (ઇ.સ.૨૦૦૮) શ્રી યજ્ઞોપિવત સમારોહ એવમ્ રથયાત્રા મહોત્સવ.

તદ્ઉપરાંત દરેકકુંભ મેળામાં પ્રયાગરાજ, હરીદ્વાર ઉજૈન, તેમજ નાસિક વિગેરે તીર્થમાં તેમજ શિવરાત્રી મેળામાં, જ્ઞાનમંદિરના ઉતારા થવા તેમજ સતસંગ, પૂજાપાઠ અને મહાપ્રસાદની વ્યવસ્થા થતી રહી.
અધિકમાસમાં નર્મદા કિનારે હનુમંતેશ્વર, કાલેશ્વર-મુક્તેશ્વર(આંધ્રમાં), હનુમાનગાળા (ગીર જંગલમાં) અને કુરૂક્ષેત્ર (હરિયાણા) વિગેરે પવિત્ર તીર્થોમાં વિશાળ ભક્ત સમુદાય સાથે ભજન પારાયણના કાર્યકમના આયોજન થયા.
શ્રીમદ્ સદગુરુ ભજનામૃત એ પ.પૂ.સદગુરુદેવનો સ્વરિચત અનુપમ ભગવત ગુણાનુવાદ તેમજ અદ્વૈત બોધથી સભર એક વિશિષ્ટ પ્રકારનો ખજાનો છે. જેનું સેવન પ્રભુપ્રિતિ સંપાદન કરવામાં અતિ લાભદાયી છે.
ભક્તો સાથે ભારતભરનાં પવિત્ર તીર્થોની યાત્રાના આયોજન અવાર નવાર થતા રહ્યાં. આ આયોજનો ભજન પારાયણ, ગુરુ પુજન તથા સંત સેવા, આશ્રમોના દર્શન વગેરેના લીધે ઘણાંજ હ્ય્દયસ્પર્શી બની જતાં.
આમ આવા અનેક પ્રસંગોના આવર્તનના લીધે તેમજ જ્ઞાનમંદિરની નિત્ય અને નિયમિત પ્રવૃત્તિઓ જેવીકે સત્સંગ, પુજન, સંસ્કૃતિવદ્યાલય, સંતસેવા, ગૌશાળા, ભોજનાલય, પુસ્તકાલય, ઔષધાલય, તેમજ વિવિધ તહેવારો નિમિત્તે ઉજવાતા નાના મોટા ઉત્સવો સાથે ધર્મશાળા, વાંચનાલય, વન, સ્નાનઘાટ વગેરેની વ્યવસ્થાઓ અને જ્ઞાનમંદિરની પવિત્ર આચાર સંહિતાના પ્રભાવથી જ્ઞાનમંદિરની સુવાસ એક સનાતન પીઠ તરીકે ચોમેર પ્રસરી રહી. વધુને વધુ ભક્તો ભાવમાં ભાવિત થયા. અત્રે ઉલ્લેખ કરવો ઉચીત છે કે સાર્વજનિકહિત ધરાવતી આ આશ્રમની બધીજ પ્રવૃત્તિઓ દરેક માટે વિનામુલ્ય ચલાવવામાં આવે છે.
નદીની શરૂઆત જેમ ઓછા નીરથી થાય અને પછી આગળ જતા પ્રવાહો ભળતા જવાથી તે નદી મહાનદી બની જાય છે. જેમાં વહાણ તરે છે. તેમ જ્ઞાનમંદિરની સુવાસ પ્રસરી.
રેતીના અનેક કણોનું બંધારણ બની એક પથ્થર બને છે. અનેક પથ્થરોનુ બંધારણ થઇને શીલા બની. તેમજ અનેક શીલાનું બંધારણ થઇને જેમ એક પર્વત બને છે. તેમ અનેક નાના ભક્તોનાં સંગઠન અને સંકલન થઇને જ્ઞાનમંદિરનો નિત્યક્રમ તેમજ અનેક વિધ ધાર્મિક પ્રવૃત્તિઓના વિશિષ્ઠ પ્રકારે આયોજનો થયા. જેના સંપાદનથી શીલા એ પર્વત રૂપ ધારણ કર્યુ.
ભાવિક ભક્તોની નિષ્ઠાથી ઉના, બોરલી, તેમજ ગાંગડા, સામતેર, ખજુદ્રા ગામે જ્ઞાનમંદિરની સ્થાપના તથા ઘાટકોપર, ડોંબીવલી, વિગેરેના સત્સંગ હોલ તેમજ ઉમરગામનું પૂ.સદગુરુદેવનું સમાધિ સ્થાન વગેરે સ્થળે પણ નિરંતર સત્સંગના કાર્યકમો થતા રહેછે જે વાતાવરણને પ્રફુલીત બનાવે છે.

શ્રૃતિ-સ્મૃતિ પ્રમાણ કરે એજ ધર્મ. તે નમ્રપણે સ્વીકારીને..........
મંદ બુધ્ધિનો બાળક વર્ણન કરે.......
કહ્યું ટુંકામાં પણ છે ઝાઝુ ખરે......
ગુરુકૃપાથી સાચું સમજાય, જ્ઞાનતણાં મંદિરમાં.......

હવે તો સૌને એક જ ભાવ બની રહ્યો છે.

ગુરુજીના નામની ને ગુરુજીના, ધામની હરદમ ધૂન મચાવો રે
હરદમ ધૂન મચાવો મારા વાલા, સદ્ગુરુને ખૂબ રીઝાવો રે. (૧)
સદગુરુના ચરણ પુજે સારનો સાર સુઝે
દિવ્ય જીવન બનાવો રે. (૨)
વાદોને મુકી, પરિનંદા ચુકી,
સદગુરુના ગુણલા ગાઓ રે. (૩)
વ્યવહાર ને વ્યવસાયની મર્યાદા મુકી,
સદગુરુના ચરણે જાઓ રે. (૪)
સદગુરુને ભૂલી, જુઠામાં ડુલી,
અવળા ભટકવા ન જાઓ રે. (૫)
ઋણને યાદ કરી, સઘળું કુરબાન કરી,
શિષ્યનો ધર્મ શોભાવો રે. (૬)
દ્ઢતાને દ્ઢ કરી, ભરોસો સ્થિર કરી,
હૈયા ફુટા નહિ થાઓ રે. (૭)
ભ્રાંતિને ભેદ ત્યજી, સાનને ભાન સજી,
સફળ કરો જન્મારો રે. (૮)

ગુરુકૃપાથી, પુરા પ્રયત્નથી,
બગડેલી બાજી સુધારો રે. (૯)

અને છેલ્લે જ્ઞાનમંદિરના ઉદેશ્યને લક્ષ બનાવી, સાર્થક કરવા દ્ઢ વિશ્વાસથી શ્રી સદગુરુદેવનાં ચરણના નિષ્ઠાવાન સેવક બની રહેવા ઝંખના રાખવી.